په هرات ولایت کې د موی تای د اتلولۍ جام ترسره شو
دا سیالۍ د (ماشومان، تنکي ځوانان، ځوانان او لویان) او مختلفو وزنونو په کتکوری کی ترسره شوی .
چی موخه یې د موی تای کاررانو وده او پیاوړتیا ده .
په دغو سیالیو کې تر ۸۰ زیاتو ورزشکارانو برخه اخیستې وه.
دغه سیالي د افغانستان د موی تای ملي فدراسیون د رئیس ښاغلي حاجي مطیع الله نوري او د دغه فدراسیون پلاوي او د هرات د بدني روزنې او ورزش سرپرست ښاغلي محمد حنیف سلطاني او یو شمیر استادان او وزشکارانو په حضور کې ترسره شوې.
د هرات ولایت د موی تای فدراسیون استازي او مشر ښاغلی سید نورآغا پناهی وویل، د دې سیالیو د ترسره کولو موخه د موی تای ورزشکارانو د ظرفیت لوړول، د غوره لوبغاړو ټاکل دی .
د سيالۍ په پای کې د سياليو ګټونکو ته په ستاينليکونو، کپونو او مډالونو هم ورکړل شول او د پروګرام په پای کې د هرات د لرغوني ولايت د موي تاي استازي له خوا د قدر وړ استادانو او روزنکو ته د ستاينليک په ورکولو سره مننه وشوه.
