ارزګان؛ مرکز ترینکوټ ښار کې د ۲۹ لوبډلو ترمنځ د ټېپ بال کرېکټ سیالۍ پیل شوې
ارزګان ولایت د بدني روزنې او ورزش آمریت اړوند د ټېپ بال کرېکټ فدراسیون د استازولۍ له لوري د ياد ولایت په مرکز ترینکوټ ښار کې د ۲۹ لوبډلو ترمنځ د ټېپ بال کرېکټ سیالۍ پیل شوې.
د یادو سیالیو لومړۍ لوبه د افغان اتلانو او تخنیکي لوبډلو ترمنځ ترسره شوه. د لوبې پچه افغان اتلانو لوبډلې وګټله او لومړی یې توپوهنه وکړه، چې په ټاکلو لسو اورونو کې یې خپلې سیالې لوبډلې ته د ۲۰۳ منډو هدف وټاکه. تخنیکی لوبډلې د هدف په تعقیب کې د څلور ویکټو په زیان ۱۳۷ منډې وکړې او د ۶۵ منډو په توپیر یې لوبه وبایلله.
دا سیالۍ ورزش ته د ځوانانو د هڅولو په موخه پیل شوي دي، چې شل ورځې به دوام وکړي.
