جوزجان کې د ۱۲ کلنو او ۱۴ کلنو ځوانانو د فوټبال لیګ پای ته ورسېده
د جوزجان ولایت د بدني روزنې او ورزش امریت اړوند د فوټبال ملي فدراسیون د استازولۍ له لوري د یاد ولایت په مرکز شبرغان ښار کې د ۱۲ کلنو او ۱۴ کلنو ځوانانو د فوټبال لیګ پای ته ورسېده.
په دغو سیالیو کې د ۱۴ کلنو ځوانانو شپږو لوبډلو ګډون کړی وو، چې د جوانان همبستګي ب لوبډلې په پنځو بریاوو سره اتلولي خپله کړه او د ۱۲ کلنو ځوانانو اتو لوبډلو ګډون کړی وو، چې جوانان همبستګي الف لوبډلې په اوو بریاوو سره اتلولي خپله کړه.
د یادو سیالیو موخه د غوره لوبغاړو موندل، د ځوانانو ترمنځ یووالی رامنځته کول او فوټبال لوبو ته د ځوانانو هڅول و؛ چې دوې میاشتې یې دوام وکړ.
د سیالیو په پای کې د جوزجان ورزشي امریت له لوري غوره لوبډلې او لوبغاړو ته ورزشي ډالۍ ورکړل شوې.
