بغلان کې د ۱۶لوبډلو ترمنځ د فوټسال رمضان جام سیالۍ پيل شوې

د بغلان ولایت د بدني روزنې او ورزش امریت اړوند د فوټبال فدراسیون د استازولۍ له لوري د یاد ولایت په مرکز پلخمري ښار کې د ۱۶لوبډلو ترمنځ د فوټسال رمضان جام سیالۍ پيل شوې.
د دغو سیالیو په لومړۍ لوبه کې اتحاد میهن لوبډلې خپلې سیالې ارباب علي لوبډلې ته د ۲/۱ ګولونو په توپير ماتې ورکړه او لومړۍ بریا یې خپله کړه.
د یادو سیالیو موخه د فوټسال ورزش ته وده ورکول او د رمضان مبارکې میاشتې نمانځل دي، چې دوې اوونۍ به دوام وکړي.