خوست؛ په اسماعيل خېلو مندوزيو ولسوالۍ کې د ۴۷ لوبډلو ترمنځ د واليبال سيالۍ پای ته ورسېدې
د خوست ولايت د بدني روزنې او ورزش امريت اړوند د واليبال فدراسيون د استازولۍ له لوري د اسماعیل خېلو مندوزيو ولسوالۍ په دلپوريو سيمه کې د ۴۷ لوبډلو ترمنځ د واليبال سيالۍ، چې دوه نيمې مياشتې مخکې پيل شوې وې د خوست واحد نور لوبډلې په اتلولۍ پای ته ورسېدې.
د يادو سياليو په پايلوبه کې خوست واحد نور لوبډلې خپلې سيالې کابل شاهد لوبډلې ته د ۲ پر ۱ ميدانونو په توپير ماتې ورکړه او اتلولي يې په خپل نوم کړه.
د يادولو وړ ده، چې د دغو سياليو په پای کې اتلې لوبډلې ته ۴۰٫۰۰۰ زره افغانۍ او دويم مقام گټونکې لوبډلې ته ۲۰٫۰۰۰ افغانۍ د انعام په توگه ورکړل شوې.
