تخار؛ مرکز تالقان ښار کې د ۱۰ لوبډلو ترمنځ د فوټبال غوره لیګ سیالۍ پای ته ورسېدې
د تخار ولایت د بدني روزنې او ورزش امریت اړوند د فوټبال فدراسیون د استازولۍ له لوري د یاد ولایت په رستاق ولسوالۍ کې د ۱۰ لوبډلو ترمنځ د فوټبال غوره لیګ سیالۍ، چې پنځه څلوېښت ورځې مخکې پيل شوې وې د سید عبد الله لوبډلې په اتلولۍ پای ته ورسېدې.
د دغو سیالیو په پایله کې سید عبد الله لوبډلې د زیاتو امتیازونو په ترلاسه کولو لومړی او پیروزي لوبډلې دویم مقام ترلاسه کړ.
د یادونې وړ ده، چې له شیوا لوبډلې نعمت الله هوشنګ د زیاتو ګولونو وهونکی او له پيروزي لوبډلې الهام غوره ګول ساتونکی وپېژندل شو؛ په پای کې غوره لوبډلې ته چمتو شوې ډالۍ ورکړل شوې.
