ننګرهار؛ شینوارو ولسوالۍ کې د ۳۲ لوبډلو ترمنځ د ټېپ بال کرېکټ سیالۍ پیل شوې
د ننګرهار ولایت د بدني روزنې او ورزش ریاست اړوند د ټېپ بال کرېکټ فدراسیون د استازولي له لوري د یاد ولایت په شینوارو ولسوالۍ کې د ۳۲ لوبډلو ترمنځ د ټېپ بال کرېکټ سیالۍ پيل شوې.
د یادو سیالیو لومړۍ لوبه د ایان کاروان او خان ټایګرز لوبډلو ترمنځ ترمنځ ترسره شوه. ایان کاروان لوبډلې د لوبې پچه وګټله او لومړی یې د توپ وهنې پرېکړه وکړه، چې په ټاکلو لسو اورونو کې یې د خپلو دوو لوبغاړو په له لاسه ورکولو سره خپلې سیالې لوبډلې ته د ۱۶۷ منډوهدف وټاکه. خان ټایګرز لوبډلې د هدف په تعقیب کې د خپلو پنځو لوبغاړو په له لاسه ورکولو سره ۱۰۴ منډې وکړې او لوبه یې د ۶۲ منډو په توپیر وبایلله.
دا سیالۍ د د نظام د ملاتړ په موخه پیل شوي دي، چې یوه میاشت به دوام وکړي.
