کاپیسا؛ مرکز محمود راقي ښار کې د ۴۰ ورزشکارانو ترمنځ د تیږې اچونې سیالۍ ترسره شوې
د کاپیسا ولایت د بدني روزنې او ورزش امریت اړوند د سیمه ییزو او دودیزو لوبو مدیریت له لوري د یاد ولایت په مرکز محمود راقي ښار کې د ۴۰ ورزشکارانو ترمنځ د تیږې اچونې سیالۍ ترسره شوې.
په دغو سیالیو کې خالص لومړی، حسیب الله دویم او نجیب الله درېیم مقام ترلاسه کړ.
د یادو سیالیو موخه سیمه ییزو لوبو ته وده ورکول و، چې یوه ورځ یې دوام وکړ.
د سیالیو په پای کې د کاپیسا ورزشي امریت له لوري غوره ورزشکارانو ته ورزشي ډالۍ ورکړل شوې.
