غور؛ فیروز کوه ښار کې د ۱۰ لوبډلو ترمنځ د فوټبال لومړی پړاو لیګ پيل شو
د غور ولایت د بدني روزنې او ورزش امریت اړوند د فوټبال ملي فدراسیون د استازولۍ له لوري د یاد ولایت په مرکز فیروز کوه ښار کې د ۱۰ لوبډلو ترمنځ د فوټبال لومړی پړاو لیګ پيل شو.
د دغو سیالیو په لومړۍ لوبه کې د قاضي فاروق لوبډلې خپلې سیالې امید غلمین لوبډلې ته د ۳/۰ ګولونو په توپير ماتې ورکړه او لومړۍ بریا یې خپله کړه.
د یادو سیالیو موخه د ځوانانو ترمنځ یووالی رامنځته کول دي، چې پنځلس ورځې به دوام وکړي.
