ميدان وردگ کې د ۱۲ لوبډلو ترمنځ د فوټسال څوارلسم پړاو سيالۍ پيل شوې
د ميدان وردگ ولايت د بدني روزنې او ورزش امريت اړوند د فوټبال فدراسيون د استازولۍ له لوري د ياد ولايت په جلرېز ولسوالۍ کې د ۱۲ لوبډلو ترمنځ د لوبغاړو يووالي په موخه د فوټسال څوارلسم پړاو سيالۍ پيل شوې.
دغه سیالۍ چې دوې نيمې مياشتې به دوام وکړي، په لومړنۍ لوبه کې شاهان جلرېز لوبډلې خپلې سيالې استقلال جلرېز لوبډلې ته د ۱۲ پر ۹ گولونو په توپير ماتې ورکړه او لومړۍ بريا يې خپله کړه.
