کاپيسا؛ تگاب ولسوالۍ کې د ۲۵ ورزشکارانو ترمنځ د لاس چپه کولو سيالۍ وشوې
د کاپيسا ولايت د بدني روزنې او ورزش آمريت له لوري د تگاب ولسوالۍ په پارکور مرکزي کې د ۲۵ ورزشکارانو ترمنځ ورزش ته د ځوانانو هڅولو او دوديزو لوبو ته د ودې ورکولو په موخه د لاس چپه کولو سيالۍ وشوې.
د يادو سياليو په پايله کې فولاد لومړی، سبحان الله دويم او صداقت درېيم مقام ترلاسه کړ.
ياده دې وي، چې دغو سياليو يوه ورځ دوام وکړ او په پای کې د ياد ولايت د ورزش آمريت له لوري غوره ورزشکارانو ته چمتو شوې ډالۍ ورکړل شوې.
