خوست کې د ٦٥ ورزش کارانو ترمنځ د ووشو ټاکنیزې سیالۍ ترسره شوې
د خوست ولایت د بدني روزنې او ورزش آمریت اړوند د ووشو فدراسیون د استازولي له لوري د ياد ولايت مرکز کې په شپږو وزني کټګوریو کې د ٦٥ ورزش کارانو ترمنځ د ووشو ټاکنیزې سیالۍ ترسره شوې.
د یادو سیالیو په پایله کې له شپږو بېلابېلو وزني کټګوریو څخه ١٢ ورزش کاران د خوست د ووشو ټاکنیزې لوبډلې ته وټاکل شول.
يادې سیالۍ د خوست ولایت د ووشو ټاکنیزې لوبډلې ته د غوره ورزش کارانو د ټاکلو په موخه ترسره شوې چې یوه ورځ یې دوام وکړ او په پای کې ګټونکو لوبغاړو ته د اتلولي حکمونه او مډالونه ورکړل شول.
