بلخ؛ په دهدادي ولسوالۍ کې د اتو لوبډلو ترمنځ د واليبال سيالۍ پای ته ورسېدې
د بلخ ولايت د بدني روزنې او ورزش رياست اړوند د واليبال فدراسيون د استازولۍ له لوري د ياد ولايت په دهدادي ولسوالۍ کې د اتو لوبډلو ترمنځ د ځوانانو يووالي په موخه د واليبال سيالۍ د طوفان لوبډلې په اتلولۍ پای ته ورسېدې.
دغه سیالۍ، چې يوه ورځ يې دوام وکړ، په پايلوبه کې طوفان لوبډلې خپلې سيالې توريالي لوبډلې ته د ۳ پر صفر ميدانونو په توپیر ماتې ورکړه او اتلولي يې په خپل نوم کړه.
