سمنګان؛ مرکز ایبک ښار کې د ۱۰ لوبډلو ترمنځ د فوټبال غوره لیګ سیالۍ پای ته ورسېدې
د سمنګان ولایت د بدني روزنې او ورزش امریت اړوند د فوټبال ملي فدراسیون د استازولۍ له لوري د یاد ولایت په مرکز ایبک ښار کې د ۱۰ لوبډلو ترمنځ د فوټبال غوره لیګ سیالۍ پای ته ورسېدې.
دغه سیالۍ، چې د لیګ په ډول ترسره شوې، په پایله کې د فیروزنخچیر لوبډلې د ۲۰ امتیازونو په ترلاسه کولو لومړی مقام خپل کړ.
په دغو سیالیو کې احمد فرید ابراهیمي غوره ګول ساتونکی، احمد سلطاني غوره لوبغاړی او احمد میلاد محمدي زیاتو ګولونو وهونکی وپېژندل شو.
د یادو سیالیو موخه د ۱۴۰۳ ه.ق کال غوره لوبډلې پېژندل او د فوټبال ورزش ته وده ورکول و، چې یوه میاشت یې دوام وکړ.
د سیالیو په پای کې د سمنګان ولایت ورزشي امریت له لوري غوره لوبډلې ته د اتلولۍ جام او غوره لوبغاړو ته کپ، مډالونه او ستاینلیکونه ورکړل شول.
