کابل کې ۲۰۰ ورزشکارانو ته په کوکي وان سبک کې د تکواندو ملي او نړۍوال سندونه ورکړل شول
د کابل، هرات، ننګرهار، خوست، پکتیا او پروان ولایتونو ۲۰۰ ورزشکارانو ته په کوکي وان سبک کې د یو میاشتني سیمینار له پای ته رسېدو وروسته له لومړۍ درجې څخه تر اوومې درجې پورې کمربندونه کې سندونه ورکړل شول.
د المپیک، بدني روزنې او ورزش عمومي ریاست اړوند د تکواندو ملي فدراسیون له لوري له شپږو ولایتونو د ۲۰۰ ورزشکارانو ترمنځ په کوکي وان سبک کې د تکواندو ښوونیز سیمینار ترسره شو، چې یوه میاشت یې دوام وکړ.
ورزشکارانو ته د سندونو د ورکړې په مراسمو کې د المپیک، بدني روزنې او ورزش عمومي رییس مولوي احمد الله وثیق، د یاد ریاست ورزشي مشاور قاري حیات الله رحماني، د تکواندو ملي فدراسیون رهبري پلاوي او بریاليو ورزشکارانو ګډون کړی وو.
د یاد سیمینار موخه د ورزشکارانو ظرفیت لوړول او ورزشکارانو ته د تکواندو ورزشي معلومات ورکول و.
