ننگرهار؛ سيکارام لوبډلې د خوږياڼو ولسوالۍ د واليبال سياليو اتلولي وگټله
د ننگرهار ولايت د بدني روزنې او ورزش رياست اړوند واليبال فدراسيون د استازولۍ او د افغان بيسيم مخابراتي شرکت په مالي ملاتړ د ياد ولايت په خوږياڼو ولسوالۍ کې د ۲۴ لوبډلو ترمنځ د اا د بيا وکمنېدو د درېيمې کليزې په وياړ د واليبال سيالۍ، چې دوې اوونۍ مخکې پيل شوې وې، د سيکارام لوبډلې په اتلولۍ پای ته ورسېدې.
د يادو سياليو په پايلوبه کې سيکارام لوبډلې خپلې سيالې خوږياڼو منتخبې لوبډلې ته د ۰/۳ ميدانونو په توپير ماتې ورکړه او اتلولي يې خپله کړه.
ياده دې وي، چې د دغو سياليو په پای کې اتلې لوبډلې ته ۱۵٫۰۰۰ زره افغانۍ، دويم مقام گټونکې لوبډلې ته ۷٫۵۰۰ افغانۍ او غوره لوبغاړو ته بېلابېلې چمتو شوې ډالۍ ورکړل شوې.
