هلمند؛ باباجي ولسوالۍ کې د ١٦ لوبډلو ترمنځ د ټېپ بال کرکټ سیالۍ پیل شوې
د هلمند ولایت د بدني روزنې او ورزش آمریت اړوند د ټېپ بال کرکټ فدراسیون د استازولي له لوري د ياد ولايت په باباجي ولسوالۍ کې د ١٦ لوبډلو ترمنځ د ټېپ بال کرکټ سیالۍ پیل شوې.
د یادو سیالیو لومړۍ لوبه د عمري اتلانو او خپلواک بارک لوبډلو ترمنځ ترسره شوه، چې عمري اتلانو لوبډلې د پچې په ګټلو سره لومړی توپ وهنه وکړه او په ټاکلو ۱۴ اورونو کې یې خپلې سیالې لوبډلې ته د ۲۰۰ منډو هدف وټاکه. خپلواک بارک لوبډلې په ۱۲ اورونو کې د خپلو ټولو لوبغاړو په له لاسه ورکولو سره ۱۲۷ منډې وکړې او لوبه یې د ۷۳ منډو په توپیر وبایلله.
يادې سیالۍ ورزش ته د ځوانانو د هڅونې په موخه پیل شوې دي چې یوه نیمه میاشت به دوام وکړي.
