بادغیس؛ قادس ولسوالۍ کې د شپږو لوبډلو ترمنځ د والیبال سیالۍ پيل شوې
د بادغیس ولایت د بدني روزنې او ورزش امریت اړوند د والیبال ملي فدارسیون د استازولۍ له لوري د یاد ولایت د قادس ولسوالۍ په لنګر شریف حوزه کې د شپږو لوبډلو ترمنځ د یووالي جام په نوم د والیبال سیالۍ پیل شوې.
په دغو سیالیو کې د وحدت، باختر ځوانانو، سیه سواران، لنګر شریف لېسې، اریانا او خراسان لوبډلو ګډون کړی وو، چې په لومړۍ لوبه کې د باختر ځوانانو لوبډلې خپلې سیالې وحدت لوبډلې ته د ۳/۰ میدانونو په توپیر ماتې ورکړه او بریا یې خپله کړه.
د یادو سیالیو موخه د والیبال ورزش ته وده ورکول، ورزش ته د ځوانانو هڅوول او له نشه یي تو کو د ځوانانو لرېوالی دی.
