زابل؛ شاجوی ولسوالۍ کې د ٢٥ ورزش کارانو ترمنځ د لاس چپه کولو سیالۍ ترسره شوې
د زابل ولایت د بدني روزنې او ورزش آمريت اړوند د ملي او دودیزو لوبو د مدیریت له لوري د ياد ولايت په شاجوی ولسوالۍ کې د دوه کلپونو د ٢٥ ورزش کارانو ترمنځ د لاس چپه کولو سیالۍ ترسره شوې.
په دغو سیالیو کې د استاد نادرخان زابلي او استاد حمدالله کلپونو ورزش کارانو ګډون کړی و، چې په پایله کې د استاد نادرخان زابلي کلپ د خپل سیال کلپ ورزش کارانو ته ماتې ورکړه او لومړی مقام يې خپل کړ.
يادې سیالۍ ملي او دودیزو لوبو ته د ودې ورکولو په موخه ترسره شوې چې یوه ورځ یې دوام وکړ.
