ننگرهار؛ په اچين ولسوالۍ کې د ۳۲ لوبډلو ترمنځ د ټېپ بال کرکټ سيالۍ پيل شوې
د ننگرهار ولايت د بدني روزنې او سپورټ رياست اړوند د شينوارو شپږگونو ولسواليو ورزشي مديريت له لوري د اچين ولسوالۍ په قوميزي لوبغالي کې د ۳۲ لوبډلو ترمنځ له اوسني نظام څخه د ملاتړ په موخه د ټېپ بال کرکټ سيالۍ د شينوارو اتلانو لوبډلې په بريا پيل شوې.
د يادو سياليو لومړۍ لوبه د شينوارو اتلانو او مارکو ځوانانو الف لوبډلو ترمنځ ترسره شوه، مارکو ځوانانو الف لوبډلې د لوبې پچې په گټلو سره په ټاکلو لسو اورونو کې د شپږو لوبغاړو په سوځېدو سره سیالې لوبډلې ته د ۱۲۰ منډو هدف وټاکه، په مقابل کې شينوارو اتلانو لوبډلې ياد هدف په وروستي اور کې ترلاسه کړ او د شپږو ويکټو په توپير يې بريا خپله کړه.
د يادونې وړ ده، چې دغه سيالۍ به شاوخوا يوه مياشت دوام وکړي.
