پنجشېر؛ مرکز بازارک ښار کې د ۱۰ لوبډلو ترمنځ د فوټبال سیالۍ پای ته ورسېدې
د پنجشېر ولایت د بدني روزنې او ورزش امریت اړوند د فوټبال ملي فدراسیون د استازولۍ له لوري د یاد ولایت مرکز بازارک ښار کې د ۱۰ لوبډلو ترمنځ د فوټبال غوره لیګ سیالۍ، چې یوه میاشت وړاندې پيل شوې وې د عقابان لوبدلې په اتلولۍ پای ته ورسېدې.
د دغو سیالیو په پایلوبه کې د پیروزي لوبډلې خپلې سیالې عقابان لوبډلې ته د ۳/۰ ګولونو په توپير ماتې ورکړه او اتلولي یې خپله کړه.
په دغو سیالیو کې حسیب الله غوره ګول وهونکی، مبشېر غوره لوبغاړی او ربیع الله غوره ګول ساتونکی وپېژندل شوه.
د یادو سیالیو موخه د فوټبال ورزش ته وده ورکول و، چې په پای کې د پنجشېر ولایت ورزشي امریت له لوري غوره لوبډلې ته د اتلولۍ جام او غوره لوبغاړو ته چمتو شوې ډالۍ ورکړل شوې.
