بدخشان ؛ راغستان ولسوالۍ کې د ۱۶۰ ورزشکارانو ترمنځ د سیمه ییزې غېږنیونې سیالۍ ترسره شوې
د بدخشان ولایت د بدني روزنې او ورزش امریت اړوند د کورش ملي فدراسیون د استازولۍ له لوري د یاد ولایت په راغستان ولسوالۍ کې د ۱۶۰ ورزشکارانو ترمنځ د سیمه ییزې غېږنیونې سیالۍ ترسره شوې.
دغو سیالیو کې له راغستان، کوهستان، یاوان، خواهان، شهربزرګ او یفتل ولسوالیو څخه ورزشکارانو ګډون کړی وو، چې په پایله کې د راغستان ولسوالۍ ورزشکارانو د ۲۰ امتیازونو په ترلاسه کولو لومړی، کوهستان ولسوالۍ ورزشکارانو د ۱۶ امتیازونو په ترلاسه کولو دویم او د یاوان ولسوالۍ ورزشکارانو د ۱۴ امتیازونو په ترلاسه کولو درېیم مقام ترلاسه کړ.
د یادو سیالیو موخه د ځوانانو هڅوول، ورورولي او د غوره لوبغاړو موندل و.
د سیالیو په پای کې د قومي مشرانو له لوري غوره لوبغاړو ته چمتو شوې ډالۍ ورکړل شوې.
