کندهار؛ ځوان پتمن لوبډلې د لوی اختر په مناسبت د فوټبال سياليو اتلولي وگټله
د کندهار ولايت د بدني روزنې او سپورټ رياست له لوري ياد ولايت په مرکز عينو مېنې ښارگوټي کې د څلورو لوبډلو ترمنځ د لوی اختر په مناسبت د فوټبال سيالۍ د ځوان پتمن لوبډلې په اتلولۍ پای ته ورسېدې.
په دغو سياليو کې د هلمند، کندهار او غزني ولايتونو لوبډلو گډون کړی وو، چې په پايلوبه کې هلمند ځوان پتمن لوبډلې سيالې کندهار مشعل لوبډلې ته ۰/۲ گولونو په توپير ماتې ورکړه او اتلولي يې خپله کړه.
دغه سیالۍ، چې يوه اوونۍ يې دوام وکړ، په پای کې اتلې لوبډلې ته د اتلولۍ جام او غوره لوبغاړو ته چمتو شوې بېلابېلې ډالۍ ورکړل شوې.
