غور؛ مرکز فیروز کوه ښار کې د اوو لوبډلو ترمنځ د ټېپ بال کرکټ سیالۍ ترسره شوې
د غور ولایت د بدني روزنې او ورزش امریت اړوند د ټېپ بال کرکټ فدراسیون د استازولۍ له لوري د یاد ولایت په مرکز فیروزکوه ښار کې د اوو لوبډلو ترمنځ د ټېپ بال کرکټ سیالۍ د اتلانو لوبډلې په اتلولۍ پای ورسېدې.
د دغو سیالیو په پایلوبه کې د اتلانو لوبډلې په ټاکلو ۱۵ اورونو کې سیالې خپلواک لوبډلې ته د ۱۲۸ منډو هدف وټاکه په مقابل کې خپلواک لوبډلې د ټولو لوبغاړو په سوځېدو یاد هدف پوره نه کړ او لوبه د اتلانو لوبډلې په اتلولۍ پای ورسېده.
دغو سیالیو یوه اوونۍ دوام وکړ او موخه یې د غوره لوبغاړو موندل و.
د سیالیو په پای کې د غوره ولایت ورزشي امریت له لوري غوره لوبډلې ته د اتلولۍ جام او غوره لوبغاړو ته کپ او مډالونه ورکړل شوه.
