ميدان وردگ؛ په سيدآباد ولسوالۍ کې د ۲۹ لوبډلو ترمنځ د ټېپ بال کرکټ سيالۍ پای ته ورسېدې
د ميدان وردگ ولايت د بدني روزنې او سپورټ امريت په همغږۍ د اسيدآباد ولسوالۍ په باريکک کلي کې د ۲۹ لوبډلو ترمنځ د ټېپ بال کرکټ سيالۍ د خالص باريکک سټار لوبډلې په اتلولۍ پای ته ورسېدې.
د يادو سياليو پايلوبه د خالص باريکک سټار او فرونگ لوبډلو ترمنځ ترسره شوه، خالص باريکک سټار لوبډلې د لوبې پچې په گټلو سره په ټاکلو لسو اورونو کې سيالې لوبډلې ته د ۱۵۷ منډو هدف کېښود، فرونگ لوبډلې ياد هدف ترلاسه نه کړ او د ۱۵ منډو په توپير يې ماته ومنله.
د يادونې وړ ده، چې د دغو سياليو د ترسره کېدو موخه د ورزشکارانو هڅول او لرې پرتو سيمو کې ورزش ته وده ورکول و.
