غزني؛ مرکز کې د ۱۰ لوبډلو ترمنځ د فوټبال سیالۍ پیل شوې
د غزني ولایت د بدني روزنې او ورزش امریت اړوند د فوټبال فدراسیون د استازولۍ له لوري د یاد ولایت په مرکز کې د استاذ محمد داوود خاکسار جام په نوم د لسو لوبډلو ترمنځ د فوټبال سیالۍ پیل شوې.
د دغو سیالیو پیل لوبه کې پیرزاده لوبډلې خپلې سیالې قلعه نو لوبډلې ته د ۲/۱ امتیازونو په توپیر ماتې ورکړه او بریا یې خپله کړه.
د یادو سیالیو موخه د استاذ محمد داوود خاکسار یاد بیا را ژوندي کول دي.
