د جودو افغان ورزشکار له یوې بریا او ماتې وروسته له سیالیو بهر شو
د جاپان ایچي ناګویا ۲۰م پړاو د اسیا المپیکي سیالیو جودو برخه کې حکمت الله رحماني په منفي ۶۶ کیلو ګرام وزن کې لومړۍ سیالي له کمبودیایي سیال څخه وګټله او دویمه لوبه کې یې د منګولیایي سیال پر وړاندې ماته ومنله او له سیالیو څخه بهر شو.
په دغو سیالیو کې د جودو درې کسیزه لوبډله ګډون لري.
یادې سیالۍ د افغانستان په ګډون د اسیا د ٤٥ هېوادونو ترمنځ په ٤١ ورزشي رشتو کې د سپټمبر پر ۱۹مه د جاپان په کوربتوب په ناګویا ښار کې پیل شوې، چې د افغانستان په استازولۍ پکې د نهو ورزشي رشتو ورزشکاران ګډون لري.
