کابل؛ د شین کیوکوشین پنځه کسیزه ډله د ظرفیت لوړونې په سمینار کې د ګډون په موخه پاکستان ته لاړه
د بدني روزنې او ورزش لوی ریاست اړوند د شین کیوکوشین کراټې ملي فدراسیون پنځه تنه روزونکي د ظرفیت لوړونې سمینار کې د ګډون په موخه د پاکستان لاهور ښار ته لاړه.
په دغه سفر کې په افغانستان کې د کیوکوشین نړۍوال سازمان استازی او لوبڅار حبیب الرحمن عادل، زین العابدین محمدي، ګران آغا عادل، نثار احمد مومند او محمد بلال ستانکزی شامل دي.
دغه سمینار د آسیا د شین کیوکوشین سازمان د اجرایوي کمېټې غړي شیهان محمد ارشد جان له لوري ترسره کېږي، چې د روان میلادي کال د مۍ میاشتې په ۱۸مه نېټه به پیل او د همدې میاشتې تر ۲۵مې نېټې پورې به دوام وکړي.
