جوزجان؛ شبرغان ښار کې د اتو لوبډلو ترمنځ د فوټسال ژمنۍ سیالۍ پای ته ورسېدې
د جوزجان د فوټسال کمېټې او فوټبال فدراسیون له لوري د شبرغان او ولسوالیو په ګډون د اتو لوبډلو ترمنځ په ډله ییزه توګه د فوټسال ژمنۍ ترسره شوې، چې پایلوبه یې د میهن کلپ په بري پای ته ورسېده.
د دې سیالیو پای لوبه د مهین کلب او اتفاق کلب لوبډلو ترمنځ ترسره شوه، چې په پایله کې یې د مهین کلب لوبډلې خپلې سیالې لوبډلې ته د ۶/۳ ګولونو په توپیر ماتې ورکړه او د دې سیالیو اتلولي یې خپله کړه.
د دغو سیالیو غوره ګول وهونکی سرور شمس، کریم سنګر غوره ګول ساتونکی او فهیم جان د سیالۍ غوره لوبغاړی ونومول شو.
د دغه ټورنمنټ د ترسره کولو موخه د فوټسال وده وه، چې نږدې دوه اوونۍ یې دوام وکړ او په پای کې اتلې لوبډلې ته یو پسه او ۵۰۰۰ زره افغانۍ او همدا شان دویم مقام ګټونکې لوبډلې ته ۵۰۰۰ زره افغانۍ د ډالۍ په توګه ورکړل شوې.
