دایکندي؛ ګیتي ولسوالۍ کې د ۲۲ لوبډلو ترمنځ د فوټبال سیالۍ د استقلال لوبډلې په اتلولۍ پای ته ورسېدې
د دایکندي ولایت د بدني روزنې او ورزش امریت له لوري د ۲۲ لوبډلو ترمنځ د ورورولۍ په نوم د فوټبال سیالۍ، چې یوه میاشت وړاندې د یاد ولایت په ګیتي ولسوالۍ کې پيل شوې وې، د استقلال لوبډلې په اتلولۍ پای ته ورسېدې.
د دغو سیالیو پایلوبه د استقلال لوبډلې او ولیعصر لوبډلو ترمنځ ترسره شوه، چې په پایله کې استقلال لوبډلې د زیاتو امتیازونو په ترلاسه کول سره د یادو سیالیو اتلولي خپله کړه.
د یادو سیالیو موخه د ځوانانو ترمنځ یووالی رامنځته کول، ورزش ته د ځوانانو هڅوول او له نشه یي توکو څخه د ځوانانو لیرې والی و.
