کابل کې د ۳۰۰ ورزشکارانو ترمنځ د رزمي ورزشونو او سپورت سبک کې سیالۍ پیل شوې
د بدني روزنې او ورزش عمومي ریاست په ۵۰۰ کسیز جمنازیوم کې د کابل مرکزي زون له بېلا بېلو کلبونو د ۳۰۰ ورزشکارانو ترمنځ د رمضان جام په نوم د رزمي ورزشونو فدراسیون اړوند د او سپورت سبک سیالۍ پیل شوې.
د دغو سیالیو پرانیست غونډه کې د بدني روزنې او ورزش عمومي ریاست فني او مسلکي معاون حافظ احمد جان ځدراڼ، د یاد ریاست مشاور او د رزمي ورزشونو فدراسیون رییس قاري حیات رحماني، مشورتي بورډ غړي او د هېواد د ازادو سیالیو لوبغاړی احمد ولي هوتک ګډون کړی و.
په دغو سیالیو کې به د او سپورت سبک ۳۰۰ ورزشکارانو له لوري د ماشومانو، نويو ځوانانو، ځوانانو او لویو ورزشکارانو ترمنځ په عمري کټګورۍ کې د دوو ورځو لپاره سیالۍ ترسره شي.
د یادو سیالیو موخه د رزمي ورزشونو لوبو ته وده ورکول، ځوانانو هڅوول او مرکزي منتخب زون ته د غوره لوبغاړو موندل دي.
