پکتيکا؛ خيرکوټ ولسوالۍ کې د درېيو لوبډلو ترمنځ د نيزه وهنې سيالۍ ترسره شوې
د پکتيکا ولايت د بدني روزنې او سپورټ آمريت اړوند د نيزه وهنې فدراسيون د استازولۍ له لوري په خيرکوټ ولسوالۍ کې د درېيو لوبډلو ترمنځ د نيزه وهنې سيالۍ د کټواز لوبډلې په لومړي مقام پای ته ورسېدې.
په يادو سياليو کې کټواز، يحيی خېلو او خير کوټ لوبډلو گډون کړی و، چې په پايله کې کټواز لوبډلې په ۴۰ نمرو سره لومړی، یحیی خېلو لوبډلې په ۳۲ نمرو سره دويم او خير کوټ لوبډلې په ۳۰ نمرو سره درېيم مقام تر لاسه کړ.
دغه سيالۍ، چې يوه ورځ يې دوام وکړ، موخه يې ملي او دوديزو لوبو ته وده ورکول ښودل شوي وو.
د سياليو په پای کې لومړي مقام گټونکې لوبډلې ته يودانه سېرلی د انعام په توگه ورکړل شو.
