کندز ؛ له ۱۸ کالونو د کم عمره ۴۰ تنو ورزشکارانو ترمنځ د جودو سیالۍ ترسره شوې
د کندز ولایت د بدني روزنې او ورزش امریت له لوري له تخار، بغلان او کندز ولایت څخه له ۱۸ کالونو د کم عمره ۴۰ تنو ورزشکارانو ترمنځ د جودو سیالۍ ترسره شوې.
په دغو سیالیو کې د کندز ولایت ورزشکارانو دوه د سرو زرو، یو د سپینو زرو او درې د برنزو مډالونو په ترلاسه کولو لومړی مقام، د تخار ولایت ورزشکارانو یو د سرو زرو، یو د سپینو زرو او دوه د برنزو مډالونو په ترلاسه کولو دویم مقام او د بغلان ولایت ورزشکارانو یو د سپینو زرو او یو د برنزو مډال په ترلاسه کولو درېیم مقام ترلاسه کړ.
د یادو سیالیو موخه ورزش ته د ځوانانو هڅوول او د سرطان(کنسر) ناروغۍ مخنیوی و.
