بامیان؛ یکاولنګ نمبر یک ولسوالۍ کې د ۱۴ لوبډلو ترمنځ له اتلس کم عمره لوبغاړو ترمنځ فوټبال سیالۍ پیل شوې
د بامیانو ولایت د بدني روزنې او ورزش امریت له لوري د یاد ولایت یکاولنګ نمبر یک ولسوالۍ کې د ۱۴ لوبډلو ترمنځ، له اتلس کم عمره لوبغاړو ترمنځ په ګروپي ډول د فوټبال سیالۍ پیل شوې.
د دغو سیالیو لومړۍ لوبه د تلاش او اتحاد لوبډلو ترمنځ ترسره شوه، چې په پایله کې تلاش لوبډلې خپلې سیالې لوبډلې ته د ۳/۱ ګولونو په توپیر ماتې ورکړه او سیالي یې خپله کړه.
هېره دې نه وي دغه سیالۍ به یوه میاشت دوام وکړي او موخه یې نوي ځوانانو ترمنځ د فوټبال سیالیو ته وده ورکول دي.
