د افغانستان د وشو ملي لوبډله په پنځلسم پړاو نړيوالو سياليو کې دګډون لپاره سبا چين ته ځي
د افغانستان د وشو ملي لوبډله په پنځلسم پړاو نړيوالو سياليو کې دګډون لپاره سبا چين ته ځي. په دې لوبو کې د افغانستان څخه پنځه ورزشکاران برخه لري چې يو يې د مبارزې په برخه کې، يو د فورم اجرا برخه کې، دوه روزونکي او يو پلاوی دی. سيالۍ د چين په شانګهای کې د روانې زيږديزې مياشتې له اومې تر څلرويشتمې دوام کوي. د ويلو ده چې په لوبو کې د يوسل او اويا هېوادونو څخه لوبغاړي ګډون کوي. تلونکو لوبغاړو د بدني روزنې او ورزش د رياست له مالي مرستيال قاسم علي حميدي سره خدای پاماني وکړه او ښاغلي حميدي ورته د بري هيله وکړه. دغو لوبو ته د چمتوالي لپاره افغان لوبغاړو په ايران کې تمريناتي کمپ کې ګډون کړی و.
