د افغانستان د سوک وهنې پنځه نفري لوبډله د ځوانانو په اسيايي سياليو کې د ګډون لپاره متحدو عربي اماراتو ته لاړه.
د افغانستان د سوک وهنې پنځه نفري لوبډله د ځوانانو په اسيايي سياليو کې د ګډون لپاره متحدو عربي اماراتو ته لاړه. دا سيالۍ د اکتوبر له ۷ مې تر ۱۸ مې نېټې د اماراتو په دوبۍ ښار کې کېږي. د لوبډلې د پلاوي په وينا دې لوبو کې د ټولو اسیايي هېوادونو لوبډلې لوبېږي. لوبو ته د افغانستان درې لوبغاړي او دوه کسيز پلاوی بلل شوی. ورزشکاران نن سهار د بدني روزنې او ورزش رياست او د المپیک د ملي کمېټې له مشر ښاغلي حفېظ الله ولي رحيمي سره تر خدای پامانۍ وروسته روان شول.
