سمنګان؛ په فیروز نخچیر ولسوالۍ کې د وزلوبې سیالۍ ترسره شوې
د سمنګان ولایت د وزلوبې فدراسیون د نمائينده ګۍ له لوري او د دې نمائينده ګۍ د معاون ظاهر بای په مالي همکارۍ د سمنګان، بلخ، بغلان او نږدې ولسوالیو او کلیو چاپندازانو ترمنځ د یاد ولایت د فیروز نخچیر ولسوالۍ په ورزشي میدان کې د وزلوبې سیالۍ ترسره شوې.
دغه سیالۍ چې تېره ورځ پای ته ورسېدې د فیروز نخچیر ولسوالۍ له لوبډلې د پهلوان جاوید له لوري یو اولاق ترسره شو، چې د پهلوان صفي آبدره ای په آس سپور و خوسی یې تر ټاکلي دایرې ورسوه.
د سیالۍ په پای کې پهلوان جاوید ته د حسیب الله ایوبي له لوري ۲۰۰ امریکایي ډالر او د صفي احمدي له لوري ۴۰۰۰ افغانۍ د جایزې په ډول ورکړې.
د یادو سیالیو د ترسره کېدو موخه د چاپندازانو تشویق، سوله او زړه سوی ښودل شوی.
