په بغلان کې د والیبال سیالۍ پای ته ورسیدې
د بغلان ولایت د بدني روزنې او سپورټ امریت او والیبال فدراسیون د استازولۍ له لوري له رویان پوهنتون سره په همغږۍ د ۱۶ لوبډلو ترمنځ د والیبال سیالۍ، چې د بغلان پوهنتون په مرکزي ورزشي لوبغالي کې پیل شوې وې، د برېښنا لوبډلې په بریا پای تته ورسېدې.
د دې سیالیو په پای لوبه کې برېښنا لوبډلې خپلې سیالې دوشي، لوبډلې ته ۳/۲ میدانونو په توپیر ماتې ورکړه او اتلولي يې وګټله.
دا سیالۍ، چې موخه يې د ورزش پراختیا او د ځوانانو هڅونه وه، د پای په مراسمو کې يې د بغلان ولایت د بدني روزنې او سپورټ امریت مسوولینو، د ښوونیزو بنسټونو مسوولینو، ولایتي چارواکو او ګڼ شمېر مینه والو ګډون کړی وو.
د مراسمو په پای کې د ورزش د مسوولينو او د رويان ښوونیزې موسسې له خوا پر ګټونکو لوبډلو او غوره ورزشکارانو کپونه، مډالونه او نغدي جايزې ووېشل شوې.
