د المپیک ملي کمېټې او سپورټ عمومي رئیس مولوي احمد الله وثيق د سره صلیب نړیوالي کمېتې له رئیس سره وکتل
د افغانستان د المپيک ملي کمېتې او سپورټ عمومي رئیس مولوي احمدالله وثیق په افغانستان کې د سره صلیب نړیوالي کمېټې له رئیس البرټو سره په خپل کاري دفتر کې وکتل.
په دې لیدنه کې د سره صلیب نړیوالې کمېتې رئیس ښاغلي البرټو د المپیک ملي کمېتې او سپورت عمومي رئیس سره په افغانستان کې د معلول ورزشکارانو په ستونزو خبر وکړې.
ښاغلي البرټو په دې لیدنه کې په مزار شریف، ننګرهار او خوست ولایتونو کې د دوی له لوري د معلول ورزشکارانو لپاره د جوړ شویو ورزشي جمنازیمونو پر اړه معلومات ورکړل، چې دا مهال د ځينو اړخونو له لوري ترې ګرځول شوي دي.
نوموړي په دې لیدنه کې د افغانستان د ویلچر باسکټبال له ورزشکارانو د پوره ملاتړ ډاډ ورکړ او غوښتنه یې وکړه، چې په ننګرهار کې معلول ورزشکارانو ته د یو باب نوي جمنازیوم په جوړولو کې ورسره همکاري وکړي.
البرټو همداراز غوښتنه وکړه، چې د افغانستان د ورزش اداره دې، هم د پاراالمپیک کمېټې پاملرنه زياته او ځانګړې توجه وکړي.
په دې لیدنه کې د المپیک ملي کمېټې او سپورټ عمومي رئیس ښاغلي مولوي احمد الله وثیق د افغانستان له معلول ورزشکارانو سره د سره صلیب له ملاتړ مننه وکړه او وې ویل؛ په یادو ولایتونو کې موجوده ستونزو ته به رسیدنه وکړي او وروسته به یې راپور له دوی سره شریک کړي.
ښاغلي وثیق د سره صلب نړیوالي کمېټې له رئیس څخه هم وغوښتل، چې د ورزش په برخه کې دې خپلې چارې د هېواد له ورزش ادارې سره په همغږي مخته یوسي؛ ترڅو ورته خنډونه جوړ نه شي.
د دې لیدنې په پای کې د المپیک ملي کمېټې او سپورټ عمومي رئیس د سره صلیب نړیوالې کمېټې ته ډاډ ورکړ، چې له سره صلیب کمېټې سره د ورزش په برخه کې تل همکاري ته چمتو دي.
