ننګرهار؛ په کوټ ولسوالۍ کې د والیبال داخلي سیالۍ د ډاکتر بشیر لوبډلې په اتلولي پای ته ورسېدې
د ننګرهار ولایت د بدني روزنې او ورزش ریاست په مرسته د والیبال فدراسیون له لوري د ځوانانو د یووالي او ټولنې ته د خدمت کولو په موخه د دې ولایت د کوټ ولسوالۍ په هندرانو مرکزي میدان کې د ۱۶ لوبډلو ترمنځ د والیبال داخلي سیالۍ تېره ورځ د ډاکتر بشیر لوبډلې په ګټه پای ته ورسېدې.
دغو سیالیو چې لس ورځې یې دوام وکړ په پایلوبه کې یې د ډاکټر بشیر لوبډلې د ۳-۰ میدانونو په توپیر د هندرانو اتحاد لوبډلې ته ماتې ورکړه.
په پای کې د ورزش ریاست له لوري ګتونکې لوبډلې او غوره ورزشکارانو تشویق شول.
