مولوی احمدالله وثیق؛ د امکان تر بریده به د هرات ولایت د ورزشکارانو ستونزې حل شي
د هېواد د المپیک ملي کمیټې او سپورت عمومي رئیس مولوي احمدالله وثیق نن د هرات ولایت د ورزشي فدراسیونونو له مسوولینو سره په کتنه کې هغوی ته ډاډ ورکړ چې د دغه ولایت د ورزشکارانو ستونزې به هر څومره چې شونې وي، حل کړي.
دغه غونډه چې د هرات ولايت د بدني روزنې او سپورت رياست د غونډو په تالار کې جوړه شوې وه، د بدني روزنې او سپورت رياست د مشر ترڅنګ، د ورزشي چارو سلاکار ښاغلي حيات الله رحماني هم ګډون درلود.
د فدراسیونونو مسوولینو د هغو ستونزو په اړه چې په دغه ولایت کې د ورزشکارانو په مخ کې پرتې دي، ښاغلي وثیق ته معلومات ورکړل او د حل غوښتنه یې وکړه.
د بدني روزنې او سپورت عمومي رئیس مولوي احمدالله وثیق د ورزشي فدراسیونونو مسؤلینو ته ډاډ ورکړ چې تر خپل وس او توان پورې به ورزشکارانو ته کار او خدمت وکړي.
