په ميدان وردګ پوهنتون کې د واليبال سيالۍ د مدير صاحبانو لوبډلې په ګټه پاى ته ورسېدې
د ميدان وردګ ولايت په پوهنتون کې د واليبال سيالۍ، چې څو ورځې وړاندې د دې پوهنتون د زراعت، کمپیوټر ساینس، ښوونې او روزنې، شرعياتو او مديرانو د ١٢ لوبډلو ترمنځ پيل شوې وې، د مدير صاحبانو لوبډلې په لومړي مقام ګټلو سره پاى ته ورسېدې.
دغه سيالۍ، چې د میدان وردګ پوهنتون د سپورټ کمېټې له لوري د دې ولایت له ورزشي امريت سره په همغږۍ پيل شوې وې، پايلوبې ته د رزاعت او مدير صاحبانو لوبډلو لار وموندله، چې د مدير صاحبانو لوبډلې د ٣-٢ ميدانونو په توپیر خپل سيال ته ماتې ورکړه.
په پاى کې د يادو سياليو لومړي او دویم مقام ګټونکو لوبډلو ته کپونه او ستاينليکونه هم ورکړل شول.
