ننګرهار؛ په سين غر ولسوالۍ کې د پنځو ولایتونو ۳۰ لوبډلو ترمنځ د والیبال سیالۍ پیل شوې
د ننګرهار ولایت د ورزش ریاست په همغږۍ د والیبال فدراسیون استازولۍ له لوري د سپین غر ولسوالۍ په چهل ګزي سیمه کې د کابل، کاپیسا، لغمان، کنړ او ننګرهار ولایتونو د ۳۰ لوبډلو ترمنځ د والیبال سیالۍ پیل شوې.
د دغو سیالیو په پیل کې دوې لوبې وشوې په لومړۍ لوبه کې د لوخۍ او تاج ملوک لوبدلې سره و لوبېدلې، چې د لوخۍ لوبډلې د ۲-۱ میدانونو په ګټلو سره تاج ملوک لوبدلې ته ماتې ورکړه.
همداراز په دویمه لوبه کې د باسول لو شیرین لوبډلې سره مخ شوې چې د باسول لوبډلې د ۲-۱ میدانونو په توپیر شیرین لوبډلې ته ماتې ورکړه.
دغه سیالۍ به لس ورځې دوام وکړي چې موخه یې له نظام څخه ملاتړ او ورزش ته د ځوانانو هڅول دي.
د یادونې ده چې د یادو سیالیو راتلونکې لوبه د لعلپوري او کوټ سیداحمدخېلو لوبډلو ترمنځ ترسره شي.
