غزني؛ د اتحاد داوود لوبډلې په جاغوري ولسوالۍ کې د فوټبال اختریزو سياليو اتلولي خپله کړه
د غزني ولایت د جاغوري ولسوالۍ په بلو داوود سیمه کې د لوی اختر په مناسبت د ۲۰لوبډلو ترمنځ د فوټبال سیالۍ د اتحاد داوود لوبډلې په اتلولي پای ته ورسیدې.
د دې ټورنمنټ په پای لوبه کې د اتحاد داوود او د استقلال انګوري لوبډلو له یو بل سره سیالي وکړه، چې اتحاد داوود لوبډلې د۲-۰ ګولونو په توپیر د استقلال انګوري لوبډلې ته ماتې ورکړه او د دې ټورنمنټ اتلولي یې خپله کړه.
په پای کې د غزني د سپورت مسؤولینو له لوري غوره لوبډلو ته مډالونه او ستاینلیکونه ورکړل شول.
