زابل؛ په مرکز قلات ښار کې د رسۍ کشولو سیالۍ ترسره شوې
د زابل ولایت په مرکز قلات ښار کې تېره ورځ د ۱۲ پهلوانانو ترمنځ په طوفان کلب کې د رسۍ کشولو سیالۍ ترسره شوې.
دغه سیالۍ د یوې ورځې لپاره د قلات ښار او میزانې ولسوالۍ د پهلوانانو ترمنځ ترسره شوې، چې په پایله کې د میزانې ولسوالۍ پهلوانانو بریا او اتلولي خپله کړه.
باید یادونه وشي، چې دغه سیالۍ د زابل ولایت د بدني روزنې او سپورټ امریت په مالي ملاتړ ترسره شوې او موخه یې ورزش ته د غېږنیونې د پهلوانانو تشویق او هڅونه وه.
هېره دې نه وي، چې په پای کې غوره ورزشکارانو ته مډالونه ورکړل شول.
