کندهار؛ د فوټبال رمضان جام سیالیو په دوام شپږ سیالۍ ترسره شوې
د کندهار ولايت په عینو مېنه کې د عینو مېنې د سپورټ مدیریت له لوري د فوټبال رمضان جام سياليو په دوام شپږ سیالۍ ترسره شوې.
په لومړۍ سیالي کې د عینو ځوانانوC لوبډلې نوري سعیدي لوبډلې ته د ۳_۰ ګولونو په توپير ماتې ورکړه.
په دويمه سيالي کې فولاد ياران لوبډلې ځلاند لوبډلې ته په ۲_۰ ګولونو ماتې ورکړه.
همداراز په درېيمه سيالي کې حاجي خان A لوبډلې راستمل لوبډلې ته د ۲_۰ ګولونو په توپير ماتې ورکړه.
ورپسې په څلورمه سيالۍ کې ښايسته عيدګاه لوبډلې خادم لوبډلې ته په ۴_۰ ګولونو ماتې ورکړه او بریا يې خپله کړه.
همدا شان په پنځمه سيالۍ کې د کندهاري ځوانانو او فيضان لوبډلو ترمنځ سيالي يو پر يو مساوي پای ته ورسېده او په شپږمه او وروستۍ سيالي کې ګلشن کلب لوبډلې سوپر سالار لوبډلې ته د ۳_۱ ګولونو په توپير ماتې ورکړه او بريا يې ترلاسه کړه.
بايد يادونه وشي، چې د عینو مېنې د سپورټ مدیریت له لوري، درې ټورنمنټونه پيل شوي دي، چې ټولټال پکې ۱۱۲ لوبډلو ګډون کړی او د روژې مبارکې میاشتې تر وروستیو پورې به دوام وکړي.
