د کندز په آبدان تفريحي دښته کې د کورش پهلوانۍ سيالۍ ترسره شوې
د کندز ولايت د بدني روزنې او ورزش رياست او کورش فدراسيون په ګډه همغږۍ د نوموړي ولايت په ابدان دښته کې د کورش د ۱۰۰ جوړو ۲۰۰ ورزشکارانو ترمنځ د يوې ورځې لپاره د کورش پهلوانۍ يا غېږ نيونې سیالۍ ترسره شوې.
د دغو سياليو موخه د ورزشکارانو ترمنځ يوالی او ځوانانو ته د يوې سالمې تفريح چمتو کول ياد شوي دي.
په دغو سياليو کې د کندز ولايت د بدني روزنې او ورزش رئیس قاري عزت الله سينان، دولتي مسولينو، پهلوانانو، سپين ږيرو، مشرانو او د کورش پهلوانۍ زرګونو مينوالو ګډون کړی و.
هېره دې نه وي چې ابدان دښته د کندز ولایت یو له طبیعي ښکلا لرونکو او زرغونو سیمه څخه ده، چې هر کال د پسرلي په موسم کې د کندز ترڅنګ د نورو ولایتونونو اوسېدونکي هم د مېلو او تفریح لپاره ورځي.
