لغمان؛ د علینګار ولسوالۍ په سیدآباد سیمه کې د والیبال ټورنمنټ لومړي پړاو پای ته ورسېد
د لغمان ولایت د ورزش آمریت او والیبال فدراسیون له لوري د علینګار ولسوالۍ اړوند اسلام آباد سیمه کې د ۳۲ لوبډلو ترمنځ د والیبال سیالۍ چې څه موده وړاندې پیل شوې وې، لومړی پړاو یې پای ته ورسېد.
د لومړي پړاو په وروستۍ لوبه کې راهین منتخب لوبډلې د اسلام آباد منتخب لوبډلې ته د ۲-۰ په وړاندې ماتې ورکړه.
د سیالیو د لومړي پړاو له ۳۲ لوبډلو یې ۱۶ هغو کوارټر فاینل یا دویم پړاو ته لاره موندلې او ددې پړاو سیالۍ به یې هم یې یوه اوونۍ دوام ولري.
د لغمان د والیبال فدراسیون رئیس احمدشاه صدیقي ددې سیالیو موخه له نظام څخه ملاتړ، د ځوانانو سالمه بوختیا او د نشه یي توکو په وړاندې مبارزه یاده کړه.
