د خوست ډېنجر او لوګر یاسر کلپ د کرکټ لوبډلو پایلوبې ته لار ومونده
د افغانستان د کرکټ بورډ د پلان سره سم د کلپونو په کچه د ولایتي خپلمنځي سیالیو تر پای ته رسېدو وروسته چې د مس عینک زون د دولسو کلپونو ترمنځ د خوست په کوربتوب روانې دي تیره ورځ د نیمه پایلوبې سیالۍ ترسره شوې.
ددې سیالیو پر دوام لومړۍ نیمه پایلوبه د لوګر یاسر او خوست ایلیون سټار لوبډلو ترمنځ وشوه چې لوګریاسر سیالې خوست الیون سټار کرکټ لوبډلې ته د ۸ وکټو په توپیر ماتې ورکړه.
یوسف خان د لوګر یاسر کلپ په ګټه ۶۴ ناسوځېدلې منډې جوړې کړې او د لوبې غوره لوبغاړی ونومول شو.
د نیمه پایلوبې دویمه لوبه د خوست افضلي او خوست ډېنجر کلپونو ترمنځ وه، چې ډېنجر کلپ د ۵۶ منډو په توپیر وګټله او یونس ځدران د ۵۰ منډو ترڅنګ د سیالې لوبډلې درې لوبغاړي وسوځول او غوره لوبغاړی شو.
د یادوولو وړده، چې نن دوشنبه د افغانستان د نولسو کلونو څخه د کم عمره کرکټ لوبډلې ته د غوره لوبغاړو د مندلو لړۍ د مس عینک زون په کچه خوست کې ترسره کیږي.
