کلپ شاهین قهرمان فوتبال خوست شد
د فوټبال هغه ټورنامینټ ، چې د خوست ولایت په مرمنډۍ ساحه کې د سیمې د فعالو ځوانانو له خوا جوړ شوی و، پای ته ورسېد.
د فاینل په دې مراسمو کې د خوست ولایت ورزشي امر عطاء الله کډوال ، پخوانیو فوټبالرانو عیداګل ، ریبار، د سیمې مشرانو، ځوانانو او د ورزش مینه والو برخه اخیستې وه.
په دې ټورنامینټ کې د سیمې څوارلسو لوبډلو برخه اخیستې وه، چې شل ورځې دا سیالۍ روانې وې.
ددې سیالیو فاینل ته شاهین او د ګربزو منتخبې لوبډلې لاره موندلې وه، چې د فاینل په لوبه کې شاهین کلب وکولای شول ګربز منتخبې لوبډلې ته یو صفر ماتې ورکړي او ددې سیالیو اتلولي په خپل نوم کړي.
د مراسمو په پای کې دخوست ولایت ورزشي امر عطاء الله کډوال خبرې وکړې، نوموړي وویل، چې موږ تل هڅه کوو، څو ځوانانو ته سالم مصروفیت پیدا کړو او په ورزشي برخه کې پراخ فعالیتونه له نېشه یي موادو او غیري شرعي کړنو څخه د دوی مخه ډب کړي.
په پای کې د فوټبال فدراسیون له لوري د سیمې د ځوانانو په استازیتوب شېرباز خان ته ستاینلیک ورکړل شو او ترڅنګ یې په مستحقو لوبډلو او لوبغاړو کپونه او تحفې ووېشل شوې.
